منتديات شجرة آدم الأبداعية
اهلًا وسهلاً بالزائرين الكرام
موقع منتديات جواد أبوجنات الساعدي يرحب بكم
تفضلوا بتسجيل الدخول

منتديات شجرة آدم الأبداعية

موقع مجتمع إلكتروني عراقي عام لا طائفي يهدف إلى نشر الثقافة ويتقيد بالضوابط الإسلامية
 
الرئيسيةالحديثةمكتبة الصورس .و .جبحـثالأعضاءالمجموعاتالتسجيلدخول
اهلًا وسهلاً بكم في منتديات شجرة آدم الابداعية نتمنى لكم اوقاتاً طيبة برفقة برامجنا

شاطر | 
 

 شعر على زوجة الشهيد روعة والله

اذهب الى الأسفل 
كاتب الموضوعرسالة
أبو جنة
Admin
avatar

عدد المساهمات : 115
النجوم : 342
تاريخ التسجيل : 17/09/2013
العمر : 21
الموقع : adamstree.arab.st

مُساهمةموضوع: شعر على زوجة الشهيد روعة والله   الثلاثاء يونيو 21, 2016 5:00 am

عندما تحرشوا بزوجة الشهيد

تعرضت إحدى الفتيات بين قوسين (مراه معدله) الى التحرش من قبل شاب بين قوسين (مو زلمه) فردت عليه بعد ان حاول ان يضع رقم هاتفه في حقيبتها :- "ولك متستحي اني ارملة شهيد " فعلى لسان تلك الانسانه..!!
عـوفــنــي بداعت شكو عندك عزيز..
رحمه لأهلك انــي مــو مالت عشگ..
بــالــي مـــو يمي و ادور الفاينات..
جدمي خاوي وكلبي مـن حزنه غرگ..
انــت مــا عايش ابــد لــو ما هذاك..
المات و استشهد لأجل يحمي الخلگ..
تـركـنـي خايب انــي متزوجه شهيد..
مــن يــشــوفـك يمزگ عيونك مزگ..
انــت تشمر رقــم بــالجنطه تــريـد..
و رچــلـي شمر ع العدو نار وفشگ..
رچــلــي ساتــر راح يستر ع البنات..
وانــت تهتك عرضه مــا وجهك عرگ..
حجي رايــد تسمع أيونسك الــيــل..
و رچــلــي يتــونس اذا يسمع تفگ..
اشــفــت بيه وجيت تركض ع الذيال..
عيوني ملحه مــن البجي صارن عتگ..
خدودي مـن كثر التخمرش بيهه اثار..
مــن اظافر ايــدي مــن الطم وادگ..
خسفت اصفاحي مــن ابجي عــلـيه..
مــن كثر مــا الـطـم اضلوعي زرگ..
و ااااه مــن شفت العلم ملتف عليه..
دمــوعــي نزلت حبل خنگتني خنگ..
انــت تتحرش بـمـرته و هــو غــار..
رفــس گبره وكلبه مـن ناره احترگ..
يــهــدم الـطــابوگ والمرمر بصوت..
لــو يحس يــم عرضه فـد واحد لزگ..
هــو نايم يــم علي تصلبه الشموس..
وانــت نــايــم يــمـك السبلت يدگ..
انــت والمشاطه تـفـرگلك جــديــد..
و رچــلــي من شضايه سوتله فرگ..
يالبعدني اشتاقله بـكــثـر الرصاص..
وبـكـثـر ما بـيــه مـن الشظه فتگ..
بــعــده اعـثـر صايره بكلمة انسيه..
يعوضج بغيره رجــل ثـقـي وصدگ..
وياا حجي اعيالي علي صاير خريف..
هــب عليه وانــي حالي چـن ورگ..
هــو متزوج علي ادري انــه بـيـه..
ضــرتي تفگه وبيهه مفتخره صدگ..
مدنكه راسي مو حــزن متعليه بيه..
مــن يدنك راســه مــو ذله العثگ..
- منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://adamstree.arab.st
 
شعر على زوجة الشهيد روعة والله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شجرة آدم الأبداعية :: سوالف مالحة :: الشعر الشعبي-
انتقل الى: